Unsaon pagbayad sa imong Tuition Student Loan pinaagi sa Bayad Center?

Bayad Center

Over-the-Counter

1. Adto sa official branch sa Bayad Center ug mangayo og BILLS PAYMENT SLIP.
2. Isulat ang ngalan sa estudyante ubos sa Account Name.
3. Dayon ibutang ang imong contact number ug petsa sa pagbayad.
4. Sa Transaction Detaills, butangi og check mark tupad sa "Bills Payment".
5. Isuwat ang "Bukas Finance Corp." o "Bukas.ph" sa Biller.
6. Ubos sa "Amount Due", ibutang ang binuwan nga kantidad sa loan nga gusto nimong bayran.
7. Ubos sa "Account Number", ibutang ang imong Bukas Loan Number/Reference Code nga makita ubos sa "My Loans" nga tab sa imong Bukas account.
8. Ihatag ang Bills Payment Slip ug bayri ang cashier aron makompleto ang imong transaksyon (NOTE: Naa'y dugang transaction fee sa Bayad Center nga P15 ug P20 depende sa branch sa Bayad Center). Paghulat sa 1-3 working days aron mo-reflect ang imong bayad.
9. Tagu-i ang imong bills payment slip kung aduna'y mga payment concerns.

Mobile App

COMING SOON. I-follow ang among Facebook page para sa mga announcements!

Frequently Asked Questions:

1. Pila ang transaction fee kung mobayad ko gamit ang Bayad Center?

Naa'y transaction fee sa Bayad Center nga P15 ug P20 depende sa branch sa Bayad Center.

1. Dili makit-an sa Bayad Center ang Biller Name. Unsa akong buhaton?

Pwede nimong gamiton ang "Bukas Finance Corp." o "Bukas.ph" nga ngalan sa biller. Kung naglisud ka pa ani, pwede nimong gamiton ang among ubang mga pamaagi sa pagbayad nga makit-an dinhi.

Palihog send sad namo og email sa [email protected] ug iapil ang imong tibuok nga ngalan, reference number ug ang branch sa Bayad Center kung asa ni nahitabo.

1. Sayop nga reference code ang akong gigamit og karon ang akong bayad wala ni-reflect. Unsa akong buhaton?

Palihog email namo sa [email protected] ug i-apil ang imong tibuok nga ngalan, reference number ug imong deposit slip nga proof of payment.

Dugang nga mga reminders:

1. Ang Bukas Loan Number o Reference Code kay alphanumeric, ang unang tulo (3) ka karakter kay letra og ang mosunod nga pito (7) ka karakter kay numero. Siguruha nga klaro ang pagsuwat aron sakto nga maproseso sa UnionBank o Bayad Center ang imong pagbayad.
2. Kung ang imong due date matunong sa weekend o holiday, palihog bayri ang imong student loan sa dili pa ang due date. Sa kaso sa ulahi nga pagbayad, naa'y late payment fee nga nagkantidad ug 5% sa wala mabayri nga balanse.
3. Kung nakabayad ka sa saktong oras pero ang bayad wala pa mo-reflect sa imong payment dashboard, palihug paghulat sa 2-3 working days. Makadawat ka og SMS sa higayon nga makita nani sa imong dashboard.
4. Dili na kinahanglan magpadala ug screenshot sa imong payment slip. Pwede nimong i-check ang imong dashboard sa imong Bukas account aron makita kung ni-reflect na ang bayad. Moabot ni og 2-3 working days aron makita sa imong dashboard.

Kung naa kay mga issue sa pagproseso sa imong mga bayad, pwede ka magpadala namo og email sa [email protected] .